sábado, 6 de enero de 2018

Vídeos de apoio ( 2ª avaliación)

Mapa do Imperialismo




 Explicación sobre o Imperialismo



As causas



As posesións coloniais das potencias a través dos mapas


miércoles, 3 de enero de 2018

COCIÑANDO UNHA GUERRA

I. INGREDIENTES

Vexamos este vídeo:



A. Que é o que sei disto?

1. Que ingredientes cres que son necesarios para que estale unha guerra?

Por parellas ides elaborar unha receita para preparar unha guerra.
Estes son os pasos a seguir:

- Título da receita
- Ingredientes (coas súas cantidades aproximadas, segundo o número de comensais)
- Elaboración
- Presentación (emplatar)

Tedes que facela por escrito. Nunha sesión. Despois presentaredes a vosa receita ao resto da clase (2 ou 3 minutos).

Reflexiono:
Souben escoller ben os ingredientes?
Valerían para calquera guerra?
Coñeces algunha guerra que se estea a desenvolver agora?
Saberías dicir os seus ingredientes ?

B.  Aprendendo os ingredientes

Vemos esta presentación:





Agora toca facerse unhas preguntas:

1. Que é o Imperialismo?
2. Que diferencia hai entre Imperialismo e Colonialismo?
3. Cando tivo lugar?
4. Por onde se extendeu?
5. Quen participou?
6. Por que sucedeu?
7. Produciu as mesmas consecuencias para todos os participantes, activos ou pasivos?

2. Respondendo as cuestións

Por equipos, ides facer a seguinte tarefa:
Ides completar a presentación anterior, xa que lle faltan varios aspectos por tratar ou por ampliar a información.

Todos os equipos deben responder a isto:
- Definición do Imperialismo
- Diferencia entre Colonialismo e Imperialismo
- Cronoloxía
- Espazo xeográfico

Agora dividiremos o resto do traballo entre os equipos:

Equipo 1
- Ides explicar o papel destes países: Alemaña e Bélxica
- Por onde se extendeu o seu poder
- Causas que provocaron a súa participación nestes feitos
- Cando se incorporaron a este proceso
- Conflitos cos que se atoparon
- Consecuencias: para elas e para os territorios que dominaron

Equipo 2
- Ides explicar o papel destes países: Gran Bretaña e Portugal
- Por onde se extendeu o seu poder
- Causas que provocaron a súa participación nestes feitos
- Cando se incorporaron a este proceso
- Conflitos cos que se atoparon
- Consecuencias: para elas e para os territorios que dominaron

Equipo 3
- Ides explicar o papel destes países:Francia e Xapón
- Por onde se extendeu o seu poder
- Causas que provocaron a súa participación nestes feitos
- Cando se incorporaron a este proceso
- Que conseguiron a partires da Conferencia de Berlín
- Conflitos cos que se atoparon
- Que forma ou formas de dominio empregaron
- Consecuencias: para elas e para os territorios que dominaron

Equipo 4
- Ides explicar o papel destes países: Estados Unidos e Holanda
- Por onde se extendeu o seu poder
- Causas que provocaron a súa participación nestes feitos
- Cando se incorporaron a este proceso
- Conflitos cos que se atoparon
- Que forma ou formas de dominio empregaron
- Consecuencias: para elas e para os territorios que dominaron

Equipo 5
- Ides explicar o papel destes países: España, Italia e Rusia
- Por onde se extendeu o seu poder
- Causas que provocaron a súa participación nestes feitos
- Cando se incorporaron a este proceso
- Conflitos cos que se atoparon
- Que forma ou formas de dominio empregaron
- Consecuencias: para elas e para os territorios que dominaron

Antes de comezar ides dividir o traballo entre as persoas do equipo. Aquí tedes o modelo de reparto de tarefas. Despois debedes facer un esquema coas respostas. (para isto teredes dúas sesións lectivas). Unha vez comprobado que isto está correcto, pasaredes a facer unha presentación  empregando PowToon. Aquí está o seu titorial en español. Aquí tedes a rúbrica da elaboración e exposición oral deste traballo

Unha vez rematada esta parte, debedes presentala ao resto da aula. Aquí tedes a rúbrica da exposición que avaliará o resto da clase

Teredes 3 sesións para a súa elaboración. Ao cuarto día hai que enviar o enlace á profe a través do correo electrónico para a súa corrección.
Despois teredes que expoñelo. Teredes 5 minutos para a exposición.


RECURSOS PARA FACER AS TAREFAS:


Aquí tedes a webgrafía a empregar:

Presentación sobre o Imperialismo

Mapa conceptual do Imperialismo

Definición. Imperialismo e Colonialismo

Causas do Imperialismo

Os imperios coloniais

Como se organizaban os territorios ocupados polas potencias occidentais

A oposición ao ImperialismoO Congreso de Berlín e os conflitos entre potencias

Consecuencias do Imperialismo

Bibliografía:

O libro de texto

3.  Escollendo a receita


Ás veces, non temos moi claro como nos ha quedar o prato e dubidamos entre varias receitas. Imos aclarar un pouco as nosas ideas. Para iso facer un DEBATE na aula para defender posturas diferentes sobre o Imperialismo e as súas consecuencias, incluso hoxe en día.
Estes serán os diferentes ángulos a debatir: o eurocentrismo (o papel das potencias occidentais) e a globalización.

Seredes catro grupos, un a favor e un en contra destes dous aspectos. Tamén podedes suxerir matizacións ou concrecións destes temas.
Aquí tedes unhas ideas básicas sobre como se fai un debate
Unha vez enterados, sortearemos os papeis de cada grupo e elixiredes quen será o moderador ou moderadora e secretario ou secretaria do debate.
O primeiro paso, unha vez coñecida a postura que debedes defender, é buscar a información e elaborar os argumentos. Previamente, deberedes repartir as tarefas asinadas a cada persoa do grupo.
Para isto teredes o tempo que resta da aula e rematalo na casa. 
Na seguinte sesión, deixaremos uns minutos e comezaremos o debate, que dirixirá o/a moderador/a. Teremos unha intervención por cada equipo, un tempo para preparar réplicas e outro turno (máis breve) para replicar ou matizar os argumentos.
O/a secretario/o lerá as súas conclusións.
Esta será a rúbrica para avaliar este debate

RECURSOS PARA PREPARAR O DEBATE


Ademais dos recursos da tarefa anterior, tedes estes:

Definición de eurocentrismo
Concepto de eurocentrismo
Consecuencias do Imperialismo
Globalización
Globalización: ameaza ou oportunidade?
Antiglobalización
Presentación antiglobalización

jueves, 26 de octubre de 2017

INFORMACIÓN EN VÍDEOS (1ª avaliación)















Aínda que está feito por alumnos, creo que é interesante velo











jueves, 19 de octubre de 2017

AS REVOLUCIÓN DOS SÉCULOS XVIII E XIX




Letra da canción
Por que escribiron esta canción


Comezamos un proxecto que se chamará    SOMOS A REVOLUCIÓN
 (Proxecto EDIA. REA para Xeografía e Historia. CeDeC Obra publicada con Licencia Creative Commons Reconocimiento Compartir igual 4.0)


1. A época das revolucións


Nunha tarde, mentres estabas coa túa pandilla, paseando pola vila, achegóusevos un voluntario vestido cun chaleque verde, que de moi boas maneiras preguntouvos:

- Tedes un minutiño, por favor?

-Vós mirades uns para outros, dubidando, sorprendidos con este encontro que non esperábades. O rapaz aproveita a vosa incerteza e comeza a falarvos sobre unha ONG (Organización non Gubernamental)  da que forma parte. Traballan loitando contra problemas como a fame, a discriminación da muller, a explotación laboral e a violación dos dereitos da infancia. O voluntario ensínavos unhas fotografías para ilustrar as situacións de inxustiza contra as que loitan na súa organización.




 



Despois de ver as imaxes e manter unha breve conversa co voluntario, rexeitades a súa oferta e seguides o voso camiño. Porén, algo mudou dentro de ti. O recordo dalgunhas das instantáneas que viches causou unha inquedanza no teu interior. Algunhas preguntas rebulen insistentemente na túa conciencia.

-Gústame o mundo no que vivo? Que podería facer para que cambiara?

O luns, na primeira clase, comentas esta experiencia. A profe de Historia escoitou o que dicías e propúxovos explorar unha época na que unha multitude de cambios sacudiron o mundo. Unha etapa na que o descontento da poboación coas situacións inxustas obrigou aos gobernantes, tras numerosas crise e dificultades, a construír un mundo máis xusto e máis libre. Un periodo da Historia coñecido como "A era das revolucións".

1.1 Lemos e descubrimos...






As palabras son testemuñas  que a miúdo falan máis alto cós documentos. Consideremos algunhas verbas que foron inventadas ou que acadaron o seu significado moderno no período de sesenta anos [1789-1848][...] Entre elas están "industria", "industrial", "fábrica", "clase media", "clase traballadora", "capitalismo" e "socialismo". O mesmo podemos dicir de "aristocracia" e de "ferrocarril", de "liberal" e "conservador", como termos políticos, de "nacionalismo", [...] "proletariado" e "crise" (económica). [...] E o mesmo con  "folga" [...].
Imaxinar o mundo moderno sen esas verbas (é dicir, sen as cousas e conceptos ás que dan nome) é medir a profundidade da revolución producida entre 1789 e 1848, que supuxo a maior transformación na historia humana dende os remotos tempos no que os seres humanos inventaron a agricultura e a metalurxia, a escritura, a cidade e o Estado. Esta revolución transformou e segue transformando o mundo enteiro. 

HOBSBAWM, Eric.: La era de la Revolución, 1789-1848, Barcelona, Crítica, 2005, páx.9

Este texto danos moitas pistas sobre a importancia do tema que imos traballar. Despois de lelo, intentade respostar estas preguntas. [Primeiro facédeo  de xeito individual e logo facedes unha posta en común cos membros do equipo e consensuades as respostas.]
  • Serías capaz de establecer unha relación entre os conceptos "industria", "fábrica" e "ferrocarril"?
  • Como explicarías que é o capitalismo?
  • Que significado teñen os conceptos "socialismo", "proletariado" e "folga"?
  • Que entendemos por liberalismo?
  • Estás de acordo co autor do texto cando afirma que estas transformacións foron as maiores que experimentou a historia da humanidade desde o Neolítico e as primeiras civilizacións? Xustifica túa resposta.
Además de responder as preguntas, debemos anotar todas as dúbidas que nos xurdan. Que aprendimos? Que conceptos descoñecemos?

1.2  Somos a Revolución?

  • Por que cres que se producen os cambios na Historia? 
  • Coñeces algún exemplo dalgún cambio rápido que se tivese producido no pasado?
  • Quen son os protagonistas dos grandes cambios históricos?
  • Que cambios importantes observas no mundo no que vives? Quen están intentando cambiar a realidade?
  • Que che gustaría cambiar no mundo no que vives? Cres que é posible facelo?

2. Buscando un sentido

Por que as persoas deciden actuar para cambiar o mundo no que viven? Por que hai épocas nas que se concentran acontecementos revolucionarios e outras nas que non?

O concepto "revolución" dá voltas sen parar pola túa cabeza. Pero, que é exactamente unha revolución? Un cambio violento? Unha reforma de algo que existía anteriormente?

Moitas preguntas para as que aínda non tes resposta. E, mentras intentas aclarar tantas dúbidas, atopas este vídeo navegando pola internet.

Que é unha Revolución?


¿Qué es una revolución? on PhotoPeach


E mira por onde, sérveche para comezar a situarte, coñecendo conceptos como cambio radical, reforma, revolta, violencia ou pacifismo. Como cres que é un material interesante, compártelo coa profe. Ao día seguinte, proponlle á clase traballar con este vídeo a partires dun pequeno cuestionario.  Que atoparedes na aula virtual [deberedes facelos de xeito individual]


2.1 Que significa...?







Parece que imos acadando unhas interesantes ideas previas. Porén, aínda hai moitos interrogantes por resolver.
  • Como era o mundo que existía antes da "Era das revolucións"? Por que se produciu o cambio? Quen foron os protagonistas?
  • Cando se produciron estas revolucións? Por que coincidiron tantos acontecimentos revolucionarios nun intervalo de tempo tan reducido?
  • Que mundo naceu tras a "Era das revolucións"?
  • Que consecuencias positivas e negativas tiveron as revolucións? Solucionáronse os problemas que existían anteriormente? Apareceron outros novos?





2.2 Diario de aprendizaxe  




Ao longo de todo o proxecto, anotaredes no voso diario de aprendizaxe todas as vosas inquedanzas, progresos e dúbidas. Ides facelo no caderno de clase e deben aparecer estes items:

1. Que estou aprendendo?
2. Que recursos estou empregando?
3. Con quen o estou aprendendo?
4. Que dificultades teño?
5. Quen me pode axudar?
6. Cal é o meu grao de implicación na tarefa que estou realizando? Alto, medio ou baixo? Explico o por que.
7. Estou a gusto no meu equipo? Todo o mundo fai a súa parte? Hai bo ambiente? Que debemos mellorar?

Agora ides  facer a primeira entrada no diario que terá por título "Buscando un sentido".
Dado que estamos ao comezo do proxecto, debedes facervos algunhas preguntas:
  • Que ideas creo que son as máis importantes para traballar nesta secuencia didáctica? Que espero aprender?
  • Existe algunha idea ou concepto que necesito ter moi claro?
Dedicaremos dez ou quince minutos a reflexionar sobre estas preguntas para anotar as vosas conclusións no apartado do voso  diario. Posteriormente faremos unha posta en común na aula. 

Este primeiro  achegamento ao diario de aprendizaxe debe servir para:
  • Ter unha idea concreta sobre o obxeto da nosa investigación.
  • Resolver as dúbidas sobre os termos e conceptos que non entendemos ao principio do noso traballo.
  • Reflexionar sobre os elementos que consideramos que van  resultarnos máis complicados de acadar pola nosa parte.

2. 3 TAREFA







Un bo xeito de rematar o noso traballo previo é situando no tempo os principais acontecementos da era das revolucións. Unha cronoloxía clara axudaranos a ordear as nosas ideas e serviranos de referencia durante toda a secuencia didáctica.

Por iso, nesta primeira tarefa teremos que crear, coa ferramenta web Tiki Toki , unha líña do tempo dixital, na que ordearemos un conxunto de acontecementos históricos nun eixe.

Debemos introducir acontecementos relacionados cos contextos históricos da:

-Rebelión e Independencia das 13 Colonias
-Revolución Francesa
-Imperio napoleónico,
-Congreso de Viena,
-Guerra de Independencia Española e Constitución de Cádiz de 1812,
-revolucions burguesas (1820, 1830, 1848),
-nacionalismo(Unificación italiana e alemá),
-Revolución industrial (1ª e 2ª) e o proceso de industrialización e, finalmente, xénese e desenvolvemento do  movimiento obrero .

A cada feito ou concepto  que incluamos engadirémoslle  unha breve descrición, unha imaxe, e nalgún caso que consideremos oportuno, vídeos que nos resulten útiles para ilustrar a época que estamos traballando. 

Faredes esta tarefa en equipo. Ao rematala deberedes compartir o resultado, para iso subiredes o enlace ao blog da clase. Tamén poderedes compartila por twitter. 


O que debe ter a vosa liña do tempo:

É imprescindible que na liña do tempo inclúas a seguinte información:

  • Data de inicio e final da liña do tempo
  • Data de cada acontecemento, breve información e unha imaxe .



Nesta nube de palabras tedes unha pista do que debe aparecer na vosa liña do tempo

2.3.1. Recursos na Rede

É importante, para que a túa investigación sexa satisfactoria, que consultes  recursos e enlaces cunha información de calidade e axustada ás necesidades que se plantexan na tarefa. Busca información para a túa liña do tempo nas seguintes páxinas web
Transformacións políticas: crise do Antigo Réxime, revolucións liberais e nacionalismo

Transformacións sociais e económicas: industrialización e movimento obreiro

Uso de la ferramenta para a creación de eixes cronolóxicos
  • Para preparar a tua liña do tempo con Tiki Toki, podes consultar este titorial sobre esta ferramenta.









2.5 Que debemos acadar?


Neste apartado atoparedes a información necesaria para conseguir unha boa nota co voso traballo.
As rúbricas para a avaliación especifican uns indicadores que resumen que vai a avaliar a profesora. Por outra banda, aparecen os niveis de logro de cada indicador (Sobresaínte, Notable, Aprobado, Insuficiente) nos que se recolle como será puntuado o voso proxecto en cada un dos apartado que sexan avaliados. Esta será a rúbrica que debedes ter como referencia para facer esta tarefa.
  • Rúbrica para avaliar unha liña do tempo dixital (que tedes na aula virtual)
  • Rúbrica do traballo en equipo (que tedes na aula virtual)
Resulta moi práctico que a teñades en conta, xa que especifica que debedes conseguir exactamente co voso traballo. Mirade a columna do SOBRESAÍNTE e a por el!

3. Comprendendo a revolución
Hoxe non volviches nada contenta a casa do instituto. A profe dixo que tocaba ler e comentar textos históricos. 
Cando lle preguntáchedes á profe por que facíades ese traballo, ela falouvos da importancia de estudar os textos do pasado para poder describir e explicar os acontecementos históricos. Recomendouvos que mirárades un vídeo na rede sobre a investigación documental e o sentido dos arquivos. Pola tarde, aínda sen sentir demasiada curiosidade buscas ese vídeo...



Despois de velo, cambia algo o teu punto de vista sobre o traballo cos documentos escritos. Quédache claro que son necesarios para saber o que sucedeu no pasado, algo que existíu e que non podemos ver nin tocar.
Como acadamos información do que pasou varios anos, séculos ou incluso milenios atrás? Os historiadores estudano a través das súas fontes, é dicir, documentos escritos ou restos materiais conservados que botan luz sobre feitos ou acontecementos relevantes que ocurriron tempo atrás.

3.1 Que aprendiches do vídeo?

Responde a estas cuestións?

1. Este arquivo garda fontes primarias ou secundarias?
2. De que data é o documento máis antigo que se cuestodia neste lugar?
3. Por que aparece a figura de Cervantes no vídeo?
4. Que documento gardan aí que está firmado por Napoleón Bonaparte?
5. Que fan no departamento de Restauración? Cal é o deterioro máis importante que sofren os           documentos?
6. En que se inspiraron para facer o logotipo do Arquivo Histórico Nacional?
7. Que requisitos se precisan para consultar un dos seus documentos?
8. Que foi o que máis che sorprendeu do vídeo?

A profe proponvos que fagades un mini arquivo histórico. A vós quédavos este careto:


A idea é ir recopilando textos históricos e obras de arte comentados por vós, que se vaian almacenando e clasificando como se se tratase dun arquivo real. A mellor maneira de conservar o pasado é crear un arquivo no que os documentos e restos materiais que este nos transmitiu permanezan conservados e clasificados para que poidan ser estudados.

Nesta tarefa imos aprender como realizar escritos e comentarios de obras de arte que che axuden a comprender mellor en que consistiron os acontecementos da chamada "Era das revolucións". Algunhas das preguntas máis importantes que debemos respostar nesta tarefa son:
  • Que tipo de información podemos extraer dun documento escrito do pasado? Como se realiza un comentario de texto histórico
  • Que valor teñen as obras de arte como documentos históricos? Podemos mirar a través delas que ocurriu en épocas pasadas?
  • Como foron descritos e representados os acontecimentos revolucionarios do século XIX polos seus protagonistas?
  • Que valor teñen estos documentos escritos ou artísticos no presente?
  • Como podemos almacenar e organizar todos os documentos dunha época ou acontecimiento histórico?
3.2 TAREFA
Traballar con fontes históricas (textos e imaxes) pode cambiar a nosa forma de estudar a historia. Xa non teremos que limitarnos a coñecer e aprender as narraciones que outros fixeron. Pola contra, teremos unha visión propia dos acontecimentos. O primeiro paso para este traballo debe ser sempre recopilar e organizar os documentos históricos.
Nesta tarefa, levaremos a cabo o diseño e a publicación dun arquivo histórico virtual que poida ser consultado por calquera persoa. Estará composto polos documentos relacionados coas revolucións dos séculos XVIII e XIX.










O noso obxectivo é traballar de primeira man documentos orixinais do pasado e ser capaces de analizar os seus contidos, tal e como o fan os historiadores.
Para acadalo, comentaremos varios documentos e obras de arte. Despois incluiremos os documentos e os nosos  comentarios no arquivo histórico virtual.





Estos son os pasos que seguiremos para esta tarefa:
  • O equipo dividirase en parellas para realizar os comentarios. Ao rematar, entregarán á outra parella (do seu equipo) a súa tarefa para que faga as modificacións que considere oportunas e todos compartan e coñezan o traballo.
  • Un comentario de texto histórico, que elixiremos entre os incluidos no apartado "O noso laboratorio de textos". (Ollo! Cada equipo deberá ter un diferente)
  • Un comentario histórico-artístico dunha obra (escollida entre as de "O noso museo virtual") que pensemos que se relaciona de maneira máis directa co contido de texto que traballamos.
  • Cuando teñamos rematados todos os comentarios, publicaremos os documentos e os nosos comentarios nunha conta de Calameó na que se conservará o noso  arquivo virtual.


Se queremos obter unha boa calificación nesta tarefa debemos ter en conta as siguientes orientacións:
  • Seguir os modelos de comentario de texto e das obras de arte que se inclúen nas descricións dss tarefas.
  • Buscar nos dicionarios todos os termos que non comprendamos.
  • Investigar, usando os enlaces propostos, acerca dos acontecimentos que se reflictan tanto nos textos históricos como nas obras de arte.
  • Incluír na publicación para o arquivo virtual: o anaco de texto, unha reprodución da obra de arte comentada e os comentarios de ambos.
  • Revisar os indicadores de avaliación da rúbrica.
3..2.1. Recursos para realizar a tarefa

A continuación aparece toda a información e os recursos necesarios para facer as dúas actividades propostas nesta tarefa.

O Noso laboratorio de textos (Comentamos textos históricos)
  • Unha vez finalizados todos os comentarios, editarémolos como unha publicación usando Calaméo. Incluiremos os documentos que  publicamos.
  • Revisaremos os comentarios das nosas compañeirass para facerlles  suxestións  de mellora e detectar posibles erros.
  • Difundiremos o traballo que fixemos a través das redes sociais (twitter, instagram...) e tamén no blog da clase



O noso museo virtual (Comentamos obras de arte)
  • A  actividade que imos facer consistirá na elección e o comentario dunha das obras de arte propostas nesta lista
  • Seguiremos traballando por parellas e elixiremos a obra que máis relación teña co texto  comentado anteriormente.
  • Unha vez finalizados os comentarios, serán incluidos no arquivo histórico virtual que temos creado en Calaméo. É necesario incluír as obras fomos comentando.
  • Revisaremos os comentarios dos nosos compañeros/as para facerles suxestións de mellora e detectar posibles erros.
  • Difundiremos o traballo que fixemos a través de redes sociais (twitter, instagram) e o blog da aula.


SE QUERES TER UNHA BOA CALIFICACIÓN  nesta tarefa, non esquezas seguir as recomendacións que tes  a continuación.
  • Observa detenidamente a obra de arte que vas  comentar e realiza anotacións sobre todos os aspectos que se adxuntan no modelo de comentario de obras pictóricas.
  • Ordea as túas ideas siguendo a estrutura necesaria para comentar a obra: catalogación, análise formal, análise iconográfico e bibliografía.
  • Investiga o contexto histórico-artístico no que foi creada a obra co  fin de que poidas explicar satisfactoriamente todos os elementos que aparecen representados nela.
  • Redacta as túas ideas de maneira coherente e ordeada, sen cometer faltas de ortografía e erros gramaticais u ortográficos.
  • Investiga e adxunta referencias bibliográficas que poderían  axudar a entender mellor o significado da obra comentada.
 Tedes as rúbricas na aula virtual: a do comentario dun texto histórico e a do comentario dunha obra pictórica

3.2.2. Actividades da tarefa
Os seguintes pasos  guiarannos para resolver a tarefa:
  • Actividade 1. Elixirir o texto histórico que máis nos interese comentar. Leremos atentamente tanto o seu  contido como o da guía de comentario dun texto histórico.
  • Actividade 2. Realizar o comentario de texto seguindo as orientaciones da guía.
  • Actividade 3. Seleccionar a obra de arte que máis se relaciona co contido do texto que  comentamos e   ler a guía de comentario dunha obra de arte.
  • Actividade 4. Comentar a obra de arte que eliximos seguindo as orientacións da guía.
  • Actividade 5. Publicar os informes na conta de Calamèo do noso arquivo virtual.



3.2.3. Que consultar para facer esta tarefa
Ademais dos recursos aportados no bloque anterior, "Buscando un sentido", para esta tarefa poderían serche útiles outras fontes de información:
  • Enseñ-Arte, blog dedicado con carácter monográfico á Historia del Arte.
  • Na aula virtual teredes todos os documentos, para que os poidades descargar

Para manexar as ferramentas dixitais que necesitamos, podemos consultar o seguintes titorial:
3.3. Diario de aprendizaxe

Tras realizar a segunda tarefa do proxecto, é un bo momento para reflexionar no estado no que se atopa o noso traballo . Abriremos unha entrada no noso diario de aprendizaxe co título "Comprendendo a revolución". Reflexionaremos sobre que estamos aprendendo, a partires das seguintes preguntas:
  • Que aspectos che resultaron máis difíciles?
  • Como funcionou o traballo coa túa parella e co teu equipo?
  • Con que ferramenta che resultou máis difícil traballar?
  • Que destacarías do aprendido ata o de agora?
  • Que termos ou conceptos non entendes correctamente?

 Sería recomendable neste apartado reflexionar sobre a evolución do proxecto, recollendo as nosas impresións sobre:
  • Que estamos aprendendo realmente durante o proxecto?.
  • Que aspectos nos están resultando especialmente difíciles?
  • Valorar como estamos funcionando como grupo-clase e intentar resolver os conflitos que puideran ter aparecido ata o de agora.
  • Intentar aclarar o significado dos conceptos que non entendemos.

domingo, 15 de octubre de 2017

Relaciona textos e imaxes con feitos e persoeiros do século XVIII

1. Que pasou aquí?

Resultado de imaxes para chambergo en wikipedia


Resultado de imaxes para Marqués de Esquilache
quiero y mando que toda la gente civil... y sus domésticos y criados que no traigan librea de las que se usan, usen precisamente de capa corta (que a lo menos les falta una cuarta para llegar al suelo) o de redingot o capingot y de peluquín o de pelo propio y sombrero de tres picos, de forma que de ningún modo vayan embozados ni oculten el rostro; y por lo que toca a los menestrales y todos los demás del pueblo (que no puedan vestirse de militar), aunque usen de la capa, sea precisamente con sombrero de tres picos o montera de las permitidas al pueblo ínfimo y más pobre y mendigo, bajo de la pena por la primera vez de seis ducados o doce días de cárcel, por la segunda doce ducados o veinticuatro días de cárcel... aplicadas las penas pecuniarias por mitad a los pobres de la cárcel y ministros que hicieren la aprehensión.
Bando de 10 de marzo de 1766. 










2. De que estamos a falar? Que ten que ver isto coa Ilustración? Que monarca deu a orde?







3. De onde saíu?



"El cacharrero" de Goya






martes, 3 de octubre de 2017

A ciencia no século XVIII e agora

Observade a información sobre os avances científicos que tiveron lugar a partires da Ilustración e os actuais.

Os principais inventos tecnolóxicos
A ciencia do futuro?

Comparade, reflexionade e sacade conclusións.

A Ilustración

Esquema visto no Blog del profe Jaime